لماذا نحب؟؟؟؟
هو سؤال خطر على بالي وحبيت اقوله.......خطر على بالي لما كنت بقرأ قصة بين الأطلال بتاعت يوسف السباعي ...ايوه بتاعت اللي حب واحده وفي البداية نلاقي انها اخته بس ربنا بيستر وتطلع المنقظه في نهاية حلقة طويلة اوي منالحزن والبكأ الناتج عن تقطيع القلب بتاع العبد لله بسبب كمية المأساويه اللي كتب بيها أمير الرومانسية القصه دي و كام سبب سؤالي ان القصه جواها للقرأها بتعرض لذكريات حب ماضي لأم بطله الشخصية(تقريبا اسمها سامية ) اللي بتحب كمال المهم
الأم حبت الكاتب وعاشوا قصه حب بجد جامده موت اوي رائعه فوق الوصف بس المشكله اللي وقفت قدامهم انالكاتب ده كبير كان حوالي 33 سنه ومتجوز والحبيبه يادوب 16- سنه بس ويتيمه ووحيده وكده يعني بالعربي هما عارفين ومتأكدين ان الحب ده مستحيل ينتهي النهاية الطبيعيه المفروضه وهي الارتباط الرسمي بعد الأرتباط العاطفي الفظيع اللي بينهم اللي خلاهم يتحدوا كل الظروف والمواقف اللي تعرضولها واستمروا في حب بعض
وانا في نص القصه كده وانا بقرأ الوصف الرائع ليوسف السباعي على لسان الكاتب وهو بيوصف احساسه حبه وبيقولها ان ارواحهم مع بعض مهما افترقوا وان حبهم للنهاية باقي
ففكرت..نهايه.. نهاية ايه بالظبط؟!!!
الموت ..ولا الجواز..
يمكن قصده للنهاية اللي تيجي الأول ...يمكن
بس ده خلاني افكر تاني واسأل نفسي
هو الواحد بيحب ليه؟!!!!
قالتلي:بيحب ليه...ايه السؤال الغريب ده!!
قلت:ايوه بيحب ليه انتي سمعتي كويس والله
قالت:ولا انت هتتجنن عليه ولا ايه ازاي يعني الحب ده يا بني ادم (بفرض انك لسه بعقلك)غريزه في البني ادمين اللي انت المفروض منهم يعني الأحاسيس اللي عندك واللي انا متنيله بشلهالك عندي زي الغضب..الحزن(اللي متبت فيك)..الفرح..
قاطعتها قائلا:فرح.!!!!!!!!!!فرح ايه ياست هانم
قالت:معلش ما انها عرفه انك محستش بيه زي البني قادمين بس اقولك ايه اهو مكتوب عليك والسلام ..المهم انت هتوهني ولا ايه انا قصدي ان من الأحاسيس دي في احساس الحب حب الله على المقدمه ويليه حبك لرسولك ..صلي عليه يا بجم
حاضر..عليه الصلاة والسلام ها يا ام العريف وبعدين
المهم يعني في كمان حب اهلك واخواتك واصحابك وطبعا عندك لامؤاخذه يعني حب الشهوه
شهوه!!!!!!!
ايوه ياخفه الشهوه ......ايه..الشهوه اياها اللي واجع دماغي بيها ليل نهار
خلاص ..خلاص هتسيحيلي ولا ايه طيب وكل الرغي ده لزمته ايه بكلامي انا يدوب سألتك هو الواحد بيحب ليه؟؟؟
قمتي فتحتيلي محاضرة احاسيس وخواطر يا فلسفه هانم
واللي فهمته من الرغي ده بس انك قصدك ان الحب غريزه عندنا يعني الحب احساس بنحسه منعرفش ليه؟ ولا امتى ؟ ولا ازاي.؟
ايوه..بالظبط بس ..انت عندك رأي تاني ولا ايه
لا ..ابدا بس انا قصدي ان الواحد زي مابيقول كده بيلاقي نصه الحلو بنت جميله رقيقه ويخس كده بميل نحيتها ويكلمها..وتكلمه ..ويحيها ..وتحبه..ويتقابلوا..ويعيشوا سوى قصه حب وغرام..ويقروا الرومانسيه ويحسوا بيها في عروقهم بتسري
جميل ..برده مش فاهمه
صبرك عليه..دول كمان يمكن يكتبوا لعقود..
وفاء واخلاص للأبد وان اللي ما بينهم هيدون لازم للنهاية المحتومه عليهم وهي الموت بس شوفتي الموت بس
يعني هما بيحبوا بعض وهما شبه متأكدين ان نهاية الحب ده مش الجواز مش الأرتباط الطبيعي لا ده الموت يعني لايمكن ومستحيل يكون في جواز بينهم
طيب نرجع بقى لكلامي ..ليه بيحب وبتحب هي كمان طالما ان النهاية اللي ممكن يفكروا فيها (الجواز يعني) مش ممكن تتحقق ابدا وهما عارفين كده من الأول ..من اول يوم اتكلموا فيه وهما مستحيل يكونوا يفكروا في الجواز كخاتمه مسك لعلاقه خب جميل طيب ليه بقى بنحب؟؟؟؟؟
هو انت قصدك كده........تصدق مع اني معاك على طول بس اول مره اكتشف انك ...اهبل
الله..الله مالك انتي فقتي ولا ايه...ماشي ..طيب ردي بقى على سؤالي...بنحب ليه؟!!!
بص يا خفه..الحب يعني احساس والجواز فعل يعني ارتباط الأحساس والقول بالفعل ممكن يكون صعب ويمكن مستحيل بس برده ممكن انما الفكره ان الحب حاله الواحد لما بيعيشها بيحب يخليه فيها وعشان يخليه عايشها لازم يفرغ ذهنه من كل الكلام اللي ممكن يمنع عنه امتعه دي بأي شكل يتخلص من همومه وأحزانه يسيب قلبه يسرح بعقله من غير حساب ومن غير تفكير في عواقب عشان كده عمهم ما تلاقيهم بيفكروا في نتائج للي بيعملوه ولو سألت حد بيحب اخرت ده ايه؟ هيرد عليك في ساعتها..خير اكيد..بس احنا هنتعب نفسنا ليه نعيش اللحظه احسن وكلام كتير يبينلك ان القلب هو الملك بلما يجي سرتا لجواز بيبتدي العقل يصحصح وتلقيه بيسأل ويستفسر عن اللي حصل واللي كان ويبدأ يشتغل التفكير والنظل لقدام بقى والنهاية اللي ممكن تكون وهي الجواز او الفراق بس وهنا بقى بدل القلبين ماكانوا متفقين وسرحين سوى في السموات السبع والأرضون السبع تلاقي العقلين بدأوا يفكروا ويراجعوا نفسهم من منطق الماده والمقدمات والنتائج وكده يعني وهنا بقى يا القدر يلعب لعبته يأما يلم العقلين سوى زي القلبين اللي لمهم ويأما يرمي ايده من القعده كلها ويسبهم يولعوا في بعض في البني ادم هنا العاقل بس واللي كان ماشي بقلبه وكان عقله مصحصح وواعي في كل خطوه ينجه في الوصول للنهاية المطلوبه اما التاني اللي كان حالم لدرجة انه نسي الدنيا لا احتمال وصوله للنهاية إياها صعب ومستحيل كمان..ها فهمت حاجه؟؟
صراحه كده يعني هحاول استوعب المنطق ده...يمكن افهم منك حاجه بس انا بجد مش مقتنع بجد ومش عارف برده
ليه الواحد بيحب طالما هو عارف ان الناهية السعيده المنطقيه وهي الجواز مش ممكن يوصلها بسهوله؟؟؟
ليه الحب المستحيل دايما احلى حب؟؟
ليه بندور دايما عالحزن..ليه بنروحله احنا مش بنسيبه يجيلنا؟؟؟؟
بص..صراحه ده اللي قدرت اقوله غير كده معرفش والله ..........سلام